1.5 ബില്യൺ ഡോളർ സാങ്കേതിക നിക്ഷേപങ്ങൾക്ക് പാലമായി ഹുസൈൻ അൽഹാർത്തി
ജിദ്ദ: ആഗോള സാങ്കേതിക നിക്ഷേപ രംഗത്ത് സൗദി അറേബ്യയുടെ സാന്നിധ്യം ശക്തിപ്പെടുത്തുന്ന യുവ നിക്ഷേപകനായി ഹുസൈൻ അൽഹാർത്തി ശ്രദ്ധ നേടുന്നു. പ്രമുഖ ബിസിനസ് മാസികയായ ഫോർബ്സ് പ്രസിദ്ധീകരിച്ച പ്രത്യേക റിപ്പോർട്ടിലാണ് അദ്ദേഹത്തിന്റെ നേട്ടങ്ങൾ ശ്രദ്ധേയമായി പരാമർശിച്ചത്.
വാര്ത്തകൾ മുടങ്ങാതെ ലഭിക്കുവാന് ഇവിടെ ക്ളിക്ക് ചെയ്യുക
അന്തർദേശീയ നിക്ഷേപ സ്ഥാപനമായ ഡിസ്റപ്റ്റീവിൽ ഇന്റേണായി തുടക്കം കുറിച്ച അൽഹാർത്തി, ഇന്ന് സ്ഥാപനത്തിന്റെ പങ്കാളിയും പ്രധാന നിക്ഷേപ ഉപദേഷ്ടാവുമായാണ് പ്രവർത്തിക്കുന്നത്. കൃത്രിമ ബുദ്ധി, ഡിജിറ്റൽ ഇൻഫ്രാസ്ട്രക്ചർ, എന്റർപ്രൈസ് സോഫ്റ്റ്വെയർ തുടങ്ങിയ മേഖലകളിലേക്ക് ഗൾഫ് മേഖലയിലെ നിക്ഷേപകരെ എത്തിക്കുന്നതിൽ അദ്ദേഹം നിർണായക പങ്കുവഹിച്ചു.
അമേരിക്കൻ സാങ്കേതിക കമ്പനികളിലേക്കുള്ള ഏകദേശം 1.5 ബില്യൺ ഡോളറിന്റെ നിക്ഷേപ ഇടപാടുകൾക്ക് വഴിയൊരുക്കിയതിലൂടെ ആഗോള നിക്ഷേപ ലോകത്ത് അൽഹാർത്തി ശ്രദ്ധേയനായി. ഡാറ്റാബ്രിക്സ്, ഗ്രോക്ക്, പാലന്തിർ, ഷീൽഡ് എഐ, സ്പേസ് എക്സ് തുടങ്ങിയ പ്രമുഖ സ്ഥാപനങ്ങളുമായി ബന്ധപ്പെട്ട നിക്ഷേപ പ്രവർത്തനങ്ങളിലും അദ്ദേഹത്തിന്റെ സാന്നിധ്യമുണ്ട്.
സാങ്കേതികവിദ്യയും നവീകരണവും കേന്ദ്രീകരിച്ചുള്ള സൗദിയുടെ സാമ്പത്തിക പരിവർത്തന യാത്രയിൽ ഹുസൈൻ അൽഹാർത്തി പോലുള്ള യുവ പ്രൊഫഷണലുകൾ പുതിയ മാതൃകകൾ സൃഷ്ടിക്കുകയാണെന്ന് നിരീക്ഷകർ വിലയിരുത്തുന്നു.
