ബോംബ് ഭീഷണിയെ തുടർന്ന് മദീന-ഹൈദരാബാദ് വിമാനം അഹമ്മദാബാദിലേക്ക് തിരിച്ചുവിട്ടു
♠ പി.വി.എച്
വിവിധ വിമാനത്താവളങ്ങളിൽ ഇൻഡിഗോയുടെ വിമാനങ്ങൾ കൂട്ടത്തോടെ റദ്ദാക്കിയ സാഹചര്യത്തിലാണ് സംഭവം
ഹൈദരാബാദ്: ബോംബ് ഭീഷണിയെത്തുടർന്ന് സൗദി അറേബ്യയിലെ മദീനയിൽ നിന്ന് ഹൈദരാബാദിലേക്ക് വരികയായിരുന്ന ഇൻഡിഗോ വിമാനം വ്യാഴാഴ്ച അഹമ്മദാബാദിലേക്ക് തിരിച്ചുവിടാൻ അധികൃതർ നിർബന്ധിതരായതായി അധികൃതർ അറിയിച്ചു.
വാര്ത്തകൾ മുടങ്ങാതെ ലഭിക്കുവാന് ഇവിടെ ക്ളിക്ക് ചെയ്യുക
180 യാത്രക്കാരും ആറ് ജീവനക്കാരുമായി 6E58 വിമാനം ഇന്ത്യൻ സമയം ഉച്ചയ്ക്ക് 12.30 ഓടെ അഹമ്മദാബാദിലെ സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ സുരക്ഷിതമായി ഇറങ്ങി.
വിമാനം ആകാശത്ത് പറക്കുന്നതിനിടെയാണ് ഇൻഡിഗോയ്ക്ക് ഇമെയിൽ വഴി ബോംബ് ഭീഷണി ലഭിച്ചതെന്ന് റിപ്പോർട്ടുണ്ട്. അഹമ്മദാബാദ് ഏറ്റവും അടുത്തുള്ള വിമാനത്താവളമായതിനാൽ, മുൻകരുതൽ നടപടിയായി അധികൃതർ വിമാനം അവിടേക്ക് തിരിച്ചുവിടുകയായിരുന്നു.
