പ്രൊഫ. എം കെ സാനു അന്തരിച്ചു
കൊച്ചി: മലയാള സാഹിത്യലോകം കണ്ട ഏറ്റവും മികച്ച സാഹിത്യ നിരൂപകരില് ഒരാളായ പ്രൊഫ. എം കെ സാനു അന്തരിച്ചു. 99 വയസായിരുന്നു. വൈകുന്നേരം 5 .35 നാണ് മരണം. എറണാകുളത്തെ അമൃത ആശുപത്രിയില് ചികിത്സയിലായിരുന്നു. ഒരു വീഴ്ചയെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. പിന്നീട് ന്യുമോണിയ ബാധിക്കുകയും ഉണ്ടായി ഞായറാഴ്ച രാവിലെ എട്ടുമണിക്ക് മൃതദേഹം അമൃത ആശുപത്രിയിൽ നിന്ന് വീട്ടിലേക്ക് കൊണ്ടുവരും. രാവിലെ ഒമ്പതുമണി മുതൽ 10 വരെ വീട്ടിൽ പൊതുദർശനം ഉണ്ടാവും. രാവിലെ 10 മുതൽ എറണാകുളം ടൗൺ ഹാളിലായിരിക്കും പൊതുദര്ശനം.
വാര്ത്തകൾ മുടങ്ങാതെ ലഭിക്കുവാന് ഇവിടെ ക്ളിക്ക് ചെയ്യുക
എഴുത്തുകാരന്, പ്രഭാഷകന്, ചിന്തകന് എന്നിങ്ങനെ വ്യത്യസ്ത തലങ്ങളില് പ്രൊഫ. എം കെ സാനു സംഭാവനകൾ നല്കിയിട്ടുണ്ട്. മഹാരാജാസ് കോളേജ് ഉൾപ്പെടെയുള്ള സംസ്ഥാനത്തെ വിവിധ കോളേജുകളില് അധ്യാപകനായി പ്രവര്ത്തിച്ചിട്ടുണ്ട്. കേന്ദ്ര സാഹിത്യ അക്കാദമി പുരസ്കാരം, കേരള സാഹിത്യ അക്കാദമി പുരസ്കാരം, വയലാര് അവാര്ഡ്, എഴുത്തച്ഛന് പുരസ്കാരം ഉള്പ്പെടെ നിരവധി അവാര്ഡുകൾ നേടിയിട്ടുണ്ട്. വാര്ധക്യത്തിലും സാഹിത്യ സാമൂഹിക പ്രവര്ത്തനങ്ങളില് സജീവമായിരുന്നു സാനു മാഷ്.
