സൗദി അറേബ്യ പ്രവാസികൾക്ക് പൂർണ്ണ അവകാശ സംരക്ഷണം നൽകുന്നുവെന്ന് മനുഷ്യാവകാശ കമ്മീഷൻ
ജിദ്ദ: 60-ലധികം രാജ്യങ്ങളിൽ നിന്നുള്ള 15 ദശലക്ഷത്തിലധികം വിദേശികൾ സൗദിയിൽ ജോലിയിലുണ്ട്. വൈവിധ്യമാർന്ന ഒരു സമൂഹമാണ് സൗദി അറേബ്യ ആതിഥേയത്വം വഹിക്കുന്നത്. ജനസംഖ്യയുടെ 44 ശതമാനത്തിലധികം വിദേശികളാണ്. ഇവർ വിവേചനമില്ലാതെയും ഉയർന്ന സംരക്ഷണത്തോടെയും അവകാശങ്ങൾ സംരക്ഷിച്ചുമാണ് സൗദിയിൽ കഴിയുന്നത്. ജനീവയിൽ നടന്ന യുഎൻ മനുഷ്യാവകാശ കൗൺസിലിന്റെ 58-ാമത് സെഷനിൽ സംസാരിക്കവെ സൗദി മനുഷ്യാവകാശ കമ്മീഷൻ പ്രസിഡന്റും സൗദി പ്രതിനിധി സംഘത്തിന്റെ തലവനുമായ ഡോ. ഹാല അൽ-തുവൈജ്രി ആണ് ഇക്കാര്യം പറഞ്ഞത്.
വാര്ത്തകൾ മുടങ്ങാതെ ലഭിക്കുവാന് ഇവിടെ ക്ളിക്ക് ചെയ്യുക.
സൗദിയുടെ പരിഷ്ക്കരണ പദ്ധതിയുടെ ഭാഗമായി വിവിധ തലങ്ങളിൽ മനുഷ്യാവകാശങ്ങളിൽ നിരവധി പരിഷ്കാരങ്ങൾക്കു സാക്ഷ്യം വഹിച്ചിട്ടുണ്ട്. സമത്വം, വികസനത്തിനുള്ള അവകാശം ആസ്വദിക്കുന്നതിൽ വിവേചനരഹിതം, പ്രത്യേക പരിചരണത്തിന് വിധേയരാകേണ്ട സ്ത്രീകൾ, യുവാക്കൾ, വികലാംഗർ, പ്രായമായവർ കൂടാതെ കുടിയേറ്റ തൊഴിലാളികൾ എന്നിവരെ ശാക്തീകരിക്കൽ ഉൾപ്പെടെയുള്ള മനുഷ്യാവകാശ തത്വങ്ങളെ അടിസ്ഥാനമാക്കിയുള്ളതാണ് സൗദി അറേബ്യ നടപ്പാക്കിവരുന്ന പ്രധാന ആഗോള പരിപാടികളും പ്രവർത്തനങ്ങളും. ഇവ സംഘടിപ്പിക്കുന്നതിലുള്ള അധികാരികളുടെ കാര്യക്ഷമതയും കഴിവും ഡോ. അൽ-തുവൈജ്രിയുടെ പ്രഭാഷണത്തിൽ എടുത്തുപറഞ്ഞു.
യുണൈറ്റഡ് നേഷൻസ് ചാർട്ടറിൽ ഉൾപ്പെടുത്തിയിരിക്കുന്ന തത്വങ്ങൾ നടപ്പിലാക്കുന്നതിനുള്ള പ്രതിബദ്ധതയുടെയും സ്ഥാപിത മൂല്യങ്ങളുടെയും അടിസ്ഥാനത്തിൽ അന്താരാഷ്ട്ര സമാധാനവും സുരക്ഷയും പ്രോത്സാഹിപ്പിക്കുന്നതിൽ രാജ്യം എല്ലാ ശ്രമങ്ങളും നടത്തിയിട്ടുണ്ടെന്ന് ഡോ. അൽ-തുവൈജ്രി പറഞ്ഞു.
