ആരിഫ് മുഹമ്മദ് ഖാന് സ്വീകരിച്ചത് ഭരണഘടനാവിരുദ്ധമായ കാര്യങ്ങള്: എം.വി. ഗോവിന്ദന്
♥ ആൻസി
കണ്ണൂര്: ഭരണഘടനാ വിരുദ്ധമായ കാര്യങ്ങളാണ് കേരള ഗവര്ണര് ആരിഫ് മുഹമ്മദ് ഖാൻ സ്വീകരിച്ചത് എന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. അതേസമയം പുതിയ ഗവര്ണര് ഭരണഘടനയ്ക്ക് വിധേയമായി പ്രവര്ത്തിക്കണമെന്നും അദ്ദേഹം കണ്ണൂരില് മാധ്യമങ്ങളോട് പറഞ്ഞു. ഗവര്ണര് ഭരണഘടനാപരമായാണ് പ്രവര്ത്തിക്കേണ്ടത്. എന്നാൽ ആരിഫ് മുഹമ്മദ് ഖാന് ജനവിരുദ്ധമായ സമീപനമാണ് സ്വീകരിച്ചത് എന്ന് ഗോവിന്ദൻ കൂട്ടിച്ചേർത്തു.
വാര്ത്തകൾ മുടങ്ങാതെ ലഭിക്കുവാന് ഇവിടെ ക്ളിക്ക് ചെയ്യുക.
നിയമസഭ പാസാക്കുന്ന നിയമങ്ങള്ക്ക് അംഗീകാരം കൊടുക്കാതിരിക്കുവാനാണ് ആരിഫ് മുഹമ്മദ് ഖാന് ശ്രമിച്ചത്. സുപ്രീം കോടതി ഇടപെടുമ്പോള് ഒരുതരത്തിലും പൊങ്ങാതെ വരുന്ന രീതിയില് രാഷ്ട്രപതിക്ക് അയച്ചു. ഇത്തരം കേട്ടുകേള്വിയില്ലാത്ത നിലയിലാണ് പെരുമാറിയത്. മാധ്യമങ്ങള് ഇതിനെ വെള്ളപൂശാന് ശ്രമിവെന്നും ഗോവിന്ദൻ കുറ്റപ്പെടുത്തി.
പുതിയ ഗവര്ണര് വന്നിരിക്കുന്നു. ബിജെപി നോമിനേറ്റ് ചെയ്ത ഗവര്ണറെ പറ്റി മുന്കൂട്ടി പ്രവചിക്കാനില്ല. ഭരണഘടനാ രീതിയില് പ്രവര്ത്തിക്കയാണ് വേണ്ടതെന്നും എം.വി. ഗോവിന്ദന് പറഞ്ഞു.
