ഡോ. മഹേഷ് പിള്ളയുടെ “മിറാബിലെ – ദി ട്രാവലേർസ് വ്യൂ ഫൈൻഡർ” പ്രകാശനം ചെയ്തു.
റിയാദ്: ഇരുപത്തേഴോളം രാഷ്ട്രങ്ങളിലെ 136ൽ അധികം സ്ഥലങ്ങളിൽ സന്ദർശിച്ച അനുഭവങ്ങളെ ആസ്പദമാക്കി ഡോ.മഹേഷ് പിള്ള രചിച്ച “മിറാബിലെ – ദി ട്രാവലേർസ് വ്യൂ ഫൈൻഡർ” എന്ന പുസ്തകം റിയാദിൽ പ്രൗഢഗംഭീര സദസ്സിനു മുന്നിൽ സസ്റ്റൈനബിലിറ്റി ഗ്രൂപ്പ് ഓഫ് കമ്പനി ജനറൽ മാനേജർ ശ്രീ മുആത്ത് അലൻഗരി പ്രകാശനം ചെയ്തു.
വാര്ത്തകൾ മുടങ്ങാതെ ലഭിക്കുവാന് ഇവിടെ ക്ളിക്ക് ചെയ്ത് വാട്ട്സപ്പ് ഗ്രൂപ്പില് ജോയിന് ചെയ്യുക.
തൻ്റെ ജീവിതത്തിലെ ഒദ്യോഗികവും അനൗദ്യോഗികവുമായ നിരവധി യാത്രകളിലെ അവിസ്മരണീയമായ സംഭവങ്ങളുടെയും അനുഭവിച്ചറിഞ്ഞ വൈവിധ്യമാർന്ന സംസ്കാരങ്ങളുടെയും സമ്പന്നമായൊരു വിവരണമാണ് ഗ്രന്ഥകാരൻ ഈ പുസ്തകത്തിലൂടെ പങ്കുവെക്കുന്നത്. യാത്രാനുഭവങ്ങളിലൂടെ തന്നെ മാനുഷിക മൂല്യങ്ങളെ പറ്റി പ്രദിപാതിക്കുകയും ബന്ധങ്ങളെ പറ്റി വായനക്കാരെ ബോധവാൻമാരാക്കുകയും വിശാലമായ ലോകത്തെ അടുത്തറിയാൻ രചയിതാവ് അവരെ പ്രേരിപ്പിക്കുകയും ചെയ്യുന്നുണ്ട്.
ആലപ്പുഴ ഹരിപ്പാട് സ്വദേശിയായ ഡോ. മഹേഷ് പിള്ള, മോട്ടിവേഷനൽ സ്പീക്കറും സുരക്ഷ വിദഗ്ധനും ആണ്. പിഎച്ച്ഡിയും രണ്ട് ബിരുദാനന്തര ബിരുദങ്ങളും നിരവധി അന്താരാഷ്ട്ര സർട്ടിഫിക്കേഷനുകളും അദ്ദേഹം കരസ്ഥമാക്കിയിട്ടുണ്ട്. ആരോഗ്യം സുരക്ഷ, പരിതസ്ഥിതി പരിപാലനം തുടങ്ങിയ വിഷയങ്ങളിലുള്ള അറിവും പരിചയവും ഈ ഗ്രന്ഥരചനയിൽ അദ്ദേഹത്തിന് മുതൽ കൂട്ടായിട്ടുണ്ട്.
പുസ്തക പ്രകാശന വേളയിൽ അബ്ദുൾ അസീസ് അലൻഗിരി, മജീദ് അലൻഗരി, മാധ്യമ പ്രവർത്തകൻ ജയൻ കൊടുങ്ങല്ലൂർ, ടോസ്റ്റ് മാസ്റ്റർ റസൂൽ സാലം, എസ് ആർ ശ്രീധർ, നീതു രതീഷ്, സുനിൽ ഇടിക്കുള, ജിജോ കോശി, നരേഷ്, നന്ദു കൊട്ടാരത്ത്, തറവാട് കൂട്ടായ്മ ഭാരവാഹികളായ ഷിജു, അഖിൽ, ശ്രീകാന്ത്, സന്തോഷ് എന്നിവരും മറ്റ് നിരവധി അഭ്യുദയകാംക്ഷികളും സംബന്ധിക്കുകയും പുസ്തകത്തെയും ഗ്രന്ഥകാരനെയും കുറിച്ച് അഭിപ്രായം പങ്കുവെക്കുകയും ചെയ്തു.
