ജിദ്ദ നവോദയ യാമ്പു ഏരിയ കമ്മിറ്റി യാത്രയയപ്പ് നൽകി
നവോദയ യാമ്പു ഏരിയ കമ്മിറ്റിയുടെ ഉപഹാരം മോഹൻദാസ് മുണ്ടക്കാട്ടിന്ന് കൈമാറുന്നു.
യാമ്പു: കഴിഞ്ഞ ഇരുപത്തൊമ്പത് വർഷമായി യാമ്പുവിലെ അൽ ദോസ്സരി കോൺട്രാക്റ്റിങ് കമ്പനിയിൽ ജോലി ചെയ്തു വരുകയായിരുന്ന മോഹൻദാസ് മുണ്ടക്കാട്ടിന്ന് ജിദ്ദ നവോദയ യാമ്പു ഏരിയ കമ്മിറ്റി യാത്രയയപ്പ് നൽകി. യാമ്പു അൽ ദോസ്സരി ക്യാമ്പിൽ നടന്ന ചടങ്ങിൽ ഏരിയ സെക്രട്ടറി സിബിൾ പാവറട്ടി നവോദയയുടെ സ്നേഹോപഹാരം കൈമാറി. ഏരിയ കമ്മറ്റിയംഗങ്ങളായ ഗോപി മന്ത്രവാദി , ഷൗക്കത്ത് മണ്ണാർക്കാട് , ബിഹാസ് കരുവാരക്കുണ്ട് , സാക്കിർ ഏ.പി , വിപിൻ തോമസ്, ഷിബു പൊന്നപ്പൻ തുടങ്ങിയവർ ആശംസകൾ അർപ്പിച്ചു.
യൂണിറ്റ് പ്രസിഡന്റ് ബിജു വെള്ളിയാമറ്റം സ്വാഗതവും , യൂണിറ്റ് സെക്രട്ടറി രാജീവ് തിരുവല്ല നന്ദിയും പറഞ്ഞു.
