എക്സാലോജിക്ക്: ചോദ്യങ്ങളിൽ നിന്ന് ഒഴിഞ്ഞുമാറി മന്ത്രി പിഎ മുഹമ്മദ് റിയാസ്
കോഴിക്കോട്: മുഖ്യമന്ത്രിയുടെ മകള് വീണാ വിജയന്റെ കമ്പനിയായ എക്സാലോജിക്കിനെതിരെയുള്ള കേന്ദ്ര സർക്കാരിന്റെ അന്വേഷണത്തെ കുറിച്ചുള്ള ചോദ്യങ്ങളിൽ നിന്ന് ഒഴിഞ്ഞുമാറി മന്ത്രി പിഎ മുഹമ്മദ് റിയാസ്.
കേന്ദ്ര കോര്പറേറ്റ് കാര്യ മന്ത്രാലമാണ് അന്വേഷണം പ്രഖ്യാപിച്ചത്. വിശദമായ അന്വേഷണത്തിന് മൂന്നംഗ ഉന്നത ഉദ്യോഗസ്ഥ സംഘത്തെ ചുമതലപ്പെടുത്തിയിട്ടുണ്ട്. നാല് മാസത്തിനുള്ളില് റിപ്പോര്ട്ട് നല്കണമെന്നു നിർദേശിച്ചിട്ടുണ്ട്. മാസപ്പടി വിവാദത്തിൽ ആദായ നികുതി ബോര്ഡിന്റെ കണ്ടെത്തലിനെ തുടർന്നാണ് അന്വേഷണം.
എക്സാലോജിക് കമ്പനി നിരവധി നിയമ ലംഘനങ്ങള് നടത്തിയെന്ന് ഉത്തരവില് പറയുന്നുണ്ട്.
