കാണാതായ വോട്ടുപെട്ടി കണ്ടെത്തി
പെരിന്തല്മണ്ണ: നിയമസഭാ തെരഞ്ഞെടുപ്പിലെ കാണാതായ വോട്ടുപെട്ടി കണ്ടെത്തി. തര്ക്കത്തെ തുടര്ന്ന് എണ്ണാതെ വെച്ച സ്പെഷ്യല് തപാല് വോട്ട് പെട്ടികളില് ഒന്നാണ് പെരിന്തല്മണ്ണ ട്രഷറിയില് നിന്ന് കാണാതായതും മലപ്പുറം ജില്ലാ സഹകരണ ജോയിന്റ് രജിസ്ട്രാറുടെ മലപ്പുറത്തെ ഓഫീസില് നിന്നാണ് കണ്ടെത്തിയതും.
കഴിഞ്ഞ നിയമസഭ തെരഞ്ഞെടുപ്പില് പെരിന്തല്മണ്ണ മണ്ഡലത്തില് 38 വോട്ടിന്റെ ഭൂരിപക്ഷത്തിനാണ് യുഡിഎഫ് ന്മാനാര്ത്ഥി നജീബ് കാന്തപുരം ജയിച്ചത്. തുടര്ന്ന് അപാകതകള് ചൂണ്ടിക്കാട്ടി 348 സ്പെഷ്യല് തപാല് വോട്ടുകള് എണ്ണിയിരുന്നില്ല. ഉദ്യോഗസ്ഥന് ബാലറ്റ് കവറില് ഒപ്പ് വെച്ചില്ല എന്നതിനാലാണ് തര്ക്കമുണ്ടായത്. വോട്ടുകള് അസാധുവാക്കിയതിനെതിരെ എതിര് സ്ഥാനാര്ത്ഥി കെപിഎം മുസ്തഫ ഹൈക്കോടതിയെ സമീപിച്ചിരുന്നു. തുടര്ന്ന് ഹൈക്കോടതിയുടെ സംരക്ഷണത്തില് പെരിന്തല്മണ്ണ സബ് ട്രഷറിയില് സൂക്ഷിച്ചിരുന്ന സ്പെഷ്യല് തപാല് വോട്ടുകളും എണ്ണണമെന്ന് മുസ്തഫയുടെ ആവശ്യം കോടതി അംഗീകരിച്ചിരുന്നു.
തപാല് വോട്ടുകള് ഹൈക്കോടതിലേക്ക് മാറ്റുന്നതിനായി ഉദ്യോഗന്മര് എത്തിയപ്പോഴാണ് പെട്ടി കാണാനില്ലെന്ന കാര്യം മനസിലായത്. പിന്നീട്, ജില്ലാ സഹകരണ ജോയിന്റ് രജിസ്ട്രാറുടെ മലപ്പുറത്തെ ഓഫീസില് നിന്നാണ് വോട്ടുപെട്ടി കണ്ടെത്തിയത്.
