പിവി അന്വര് എം.എല്.എയുടെ കുടുംബം കൈവശം വച്ച ഭൂമിയേറ്റെടുക്കാന് നടപടി സ്വീകരിക്കാത്തതെന്തെന്ന് ഹൈക്കോടതി
കൊച്ചി: നിലമ്പൂര് എംഎല്എ പി.വി.അന്വറും കുടുംബവും അനധികൃതമായി കൈവശം വച്ചിരിക്കുന്ന ഭൂമി തിരിച്ചുപിടിക്കണമെന്ന ഉത്തരവില് എന്ത് നടപടി സ്വീകരിച്ചു എന്ന് രണ്ടാഴ്ചക്കകം സര്ക്കാര് ഹൈക്കോടതിയില് മറുപടി നല്കണം. ആറുമാസത്തിനകം ഭൂമി തിരിച്ചുപിടിക്കണമെന്ന ഉത്തരവ് നടപ്പാക്കില്ലെന്ന് കാണിച്ച് നല്കിയ കോടതിയലക്ഷ്യ ഹര്ജിയില് ആണ് ഹൈക്കോടതിയുടെ നിര്ദ്ദേശം.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
അതേസമയം പി.വി അന്വര് എം.എല്.എയുടെ ഭാര്യാപിതാവ് സി.കെ അബ്ദുല് ലത്തീഫ് നിയമവിരുദ്ധമായി കെട്ടിയ റോപ് വെ പൊളിച്ചുനീക്കാനുള്ള ഉത്തരവ് നടപ്പാക്കുന്നതില് വീഴ്ചവരുത്തിയാല് പഞ്ചായത്ത് സെക്രട്ടറിക്ക് പിഴ ചുമത്തുമെന്നാണ് തദ്ദേശ സ്വയംഭരണസ്ഥാപനങ്ങളുടെ ഓംബുഡ്സ്മാന് ജസ്റ്റിസ് പി.എസ് ഗോപിനാഥന് ഉത്തരവിട്ടിട്ടുണ്ട്. ജനുവരി 25ന് റിപ്പോര്ട്ട് ചെയ്യണമെന്നും ഊര്ങ്ങാട്ടിരി പഞ്ചായത്ത് സെക്രട്ടറിയോട് ആവശ്യപ്പെട്ടിട്ടുണ്ട്.
