കൊച്ചിയിൽ വഴിയോര കച്ചവടത്തിന് നിയന്ത്രണം
കൊച്ചി: ലൈസന്സില്ലാത്ത വഴിയോര കച്ചവടം വിലക്കി ഹൈക്കോടതി.ഡിസംബര് ഒന്നുമുതലാണ് നിയന്ത്രണമേര്പ്പെടുത്തുക. ഇതുസംബന്ധിച്ച് കൊച്ചി കോര്പറേഷന് ഹൈക്കോടതി നിര്ദേശം നല്കി.അര്ഹതയുള്ളവര്ക്ക് ഈ മാസം 30നകം ലൈസന്സും തിരിച്ചറിയല് കാര്ഡും നല്കാനും ഹൈക്കോടതി നിര്ദേശിച്ചു.തിരിച്ചറിയൽ കാർഡും ലൈസൻസും ഇല്ലാത്ത വഴിയോര കച്ചവടം ആണ് വിലക്കിയത്.ഉത്തരവ് കർശനമായി പാലിക്കുന്നു എന്ന് ഉറപ്പു വരുത്താൻ ജില്ലാ കളക്ടറെയും സിറ്റി പോലീസ് കമ്മീഷണറേയും കോടതി സ്വമേധയാ കേസിൽ കക്ഷി ചേർത്തു.വഴിയോര കച്ചവടക്കാരുടെ പുനരധിവാസം സംബന്ധിച്ച 2014ലെ നിയമം കൊച്ചി കോര്പ്പറേഷന് പരിധിയില് ഉടന് നടപ്പാക്കണമെന്ന് ഹൈക്കോടതി നിര്ദേശിച്ചു.നിലവിലെ കച്ചവടക്കാരില് 876 പേരില് 700 പേര്ക്കും തിരിച്ചറിയല് കാര്ഡ് വിതരണം ചെയ്തതെന്ന് കോര്പറേഷന് കോടതിയെ അറിയിച്ചു.പുനരധിവാസത്തിന് അർഹരായ വഴിയോര കച്ചവടക്കാർക്ക് ലൈസൻസിനുള്ള അപേക്ഷ സമർപ്പിക്കാൻ കോടതി അനുമതി നൽകിയിട്ടുണ്ട്. ഇത്തരം അപേക്ഷകൾ ലഭിച്ചാൽ ഒരു മാസത്തിനകം കമ്മറ്റി തീരുമാനമെടുക്കണം.ഈ അപേക്ഷകർക്ക് ലൈസൻസും തിരിച്ചറിയൽ കാർഡും ലഭിക്കുന്ന മുറയ്ക്ക് മാത്രമെ വഴിയോര കച്ചവടത്തിന് അനുമതി ലഭിക്കുകയുള്ളൂ.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
