അറബിക്കടലിൽ പുതിയ ന്യൂനമർദ്ദം; 48 മണിക്കൂറിനുള്ളിൽ ശക്തി പ്രാപിച്ച് വ്യാപക മഴയ്ക്ക് സാധ്യത
തിരുവനന്തപുരം: മധ്യ കിഴക്കൻ അറബികടലിൽ കർണാടക തീരത്താണ് പുതിയ ന്യൂനമർദ്ദം രൂപപ്പെട്ടത്.അടുത്ത 48 മണിക്കൂറിൽ കൂടുതൽ ശക്തി പ്രാപിക്കാനാണ് സാധ്യത. പടിഞ്ഞാറ് വടക്ക് പടിഞ്ഞാറേ ദിശയിലാണ് ന്യൂനമർദ്ദത്തിന്റെ സഞ്ചാര ദിശ.തുലാവര്ഷ സീസണില് (47 ദിവസത്തില്) രൂപപ്പെടുന്ന എട്ടാമത്തെ ന്യൂനമര്ദമാണിത്.പടിഞ്ഞാറ് ദിശയില് സഞ്ചരിച്ചു നവംബര് 18 ഓടെ മധ്യ പടിഞ്ഞാറ് -തെക്കു പടിഞ്ഞാറ് ബംഗാള് ഉള്ക്കടലില് എത്തി തെക്ക് ആന്ധ്രാ പ്രദേശ്- വടക്കു തമിഴ്നാട് തീരത്ത് കരയില് പ്രവേശിക്കാന് സാധ്യത.കേരളത്തില് നിന്ന് അകന്നു പോകുന്നതിനാല് കൂടുതല് ഭീഷണിയില്ല.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
നിലവിലെ മഴയുടെ ശക്തി നാളെയോടെ കുറയാനാണ് സാധ്യത.സംസ്ഥാനത്ത് എവിടെയും അതി തീവ്ര മഴ മുന്നറിയിപ്പ് ഇല്ല. കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, കാസർകോട് ജില്ലകളിലാണ് യെല്ലോ അലർട്ട് പ്രഖ്യാപിച്ചു.കേരള – ലക്ഷദ്വീപ് തീരത്ത് നവംബര് 16 നും വടക്കന് കേരള തീരത്ത് നവംബര് 16 വരെയും കര്ണാടക തീരത്ത് നവംബര് 17 വരെയും മത്സ്യബന്ധനത്തിന് പോകാന് പാടില്ലെന്നും മണിക്കൂറില് 40 മുതല് 50 കി. മീ വരെ വേഗതയിലും ചിലവസരങ്ങളില് 60 കി.മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
കഴിഞ്ഞ മണിക്കൂറുകളിലെ ശക്തമായ മഴയുടെയും വെള്ളക്കെട്ടിന്റേയും പശ്ചാത്തലത്തിൽ കൊല്ലം, പത്തനംതിട്ട, ആലപ്പുഴ , കോട്ടയം ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയാണ്.തിരുവനന്തപുരത്ത് കാട്ടാക്കട, നെടുമങ്ങാട്, നെയ്യാറ്റിൻകര താലൂക്കുകളിലെ സ്കൂളുകൾക്കും ഇന്ന് അവധി നൽകിയിട്ടുണ്ട്.എംജി, കേരള സർവകലാശാലകൾ ഇന്ന് നടത്താനിരുന്ന പരീക്ഷകൾ മാറ്റി.പുതുക്കിയ തീയതി പിന്നീട് അറിയിക്കും.
