പൂക്കോട് വെറ്ററിനറി കോളേജ് വിദ്യാര്ത്ഥിനികള്ക്ക് നോറോ വൈറസ് സ്ഥിരീകരിച്ചു
വയറിളക്കം, വയറുവേദന, ഛര്ദ്ദി, മനംമറിച്ചില്, പനി, തലവേദന, ശരീരവേദന എന്നിവയാണ്നോറോ വൈറസ് രോഗ ലക്ഷണം. ഛര്ദ്ദി, വയറിളക്കം എന്നിവ മൂര്ണ്ണിച്ചാല് നിര്ജലീകരണം സംഭവിച്ച് ഗുരുതരാവസ്ഥയിലാകും.
കല്പ്പറ്റ: വയനാട് പൂക്കോട് വെറ്ററിനറി കോളേജ് വിദ്യാര്ത്ഥിനികള്ക്ക് നോറോ വൈറസ് സ്ഥിരീകരിച്ചു. ആലപ്പുഴ നാഷണല് വൈറോളജി ഇന്സ്റ്റിറ്റ്യൂട്ടില് പരിശോധിച്ച സാമ്പിളുകളിലാണ് നോറോ വൈറസ് സാന്നിധ്യം സ്ഥിരീകരിച്ചത്. കോളേജ് വനിതാ ഹോസ്റ്റലിലെ വിദ്യാര്ത്ഥികള്ക്ക് വയറിളക്കം, ഛര്ദ്ദി എന്നിവ റിപ്പോര്ട്ട് ചെയ്തിരുന്നു. തുടര്ന്നാണ് ആരോഗ്യ വകുപ്പിന്റെ നേത്യത്വത്തിലുള്ള വിദഗ്ദ സംഘമെത്തി വിദ്യാര്ത്ഥികളുടെ മലം പരിശോധനയ്ക്കായി അയച്ചതില്നിന്നാണ് നോറോ വൈറസ് സ്ഥിരീകരിച്ചത്.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
ജില്ലയില് പലയിടത്തും സമാന രോഗ ലക്ഷണങ്ങള് റിപ്പോര്ട്ട് ചെയ്തു. ഇതേതുടര്ന്ന് പ്രതിരോധ പ്രവര്ത്തനങ്ങള് ഊര്ജിതമാക്കി. പൊതുജനങ്ങളോട് ജാഗ്രത പാലിക്കണമെന്ന് ജില്ലാ മെഡിക്കല് ഓഫീസര് അറിയിച്ചു. ആരോഗ്യ വകുപ്പ് ബോധവത്കരണം ആസൂത്രണം ചെയ്തിട്ടുണ്ട്.
വയറിളക്കം, വയറുവേദന, ഛര്ദ്ദി, മനംമറിച്ചില്, പനി, തലവേദന, ശരീരവേദന എന്നിവയാണ്നോറോ വൈറസ് രോഗ ലക്ഷണം. ഛര്ദ്ദി, വയറിളക്കം എന്നിവ മൂര്ണ്ണിച്ചാല് നിര്ജലീകരണം സംഭവിച്ച് ഗുരുതരാവസ്ഥയിലാകും. മലിനമായ ജലത്തിലൂടെയും, ഭക്ഷണത്തിലൂടെയും രോഗ ബാധയേറ്റ വ്യക്തികളുമായുള്ള സമ്പര്ക്കത്തിലൂടെയും രോഗം പടരും. രോഗബാധിതനായ വ്യക്തിയുടെ കൈകള് കഴുകാതെ മൂക്കിലും വായിലും തൊടുന്നതോടെ വൈറസ് ശരീരത്തില് വ്യാപിക്കും.
വൈറസ് ബാധിച്ച് രണ്ട് ദിവസങ്ങള്ക്കുള്ളില് ലക്ഷണങ്ങള് പ്രകടമാകും. വൈറസ് ബാധിതര് വീട്ടിലിരിക്കേണ്ടതും, ഒ.ആര്.എസ് ലായനി, തിളപ്പിച്ചാറിയ വെള്ളം എന്നിവ നന്നായി കുടിക്കേണ്ടതുമാണ്. ലക്ഷണങ്ങള്ക്ക് അനുസരിച്ച് ചികിത്സ ലഭ്യമാണ്. രോഗികള് മറ്റുള്ളവര്ക്ക് ഭക്ഷണം പാകം ചെയ്യാതിരിക്കാനും പ്രത്യേകം ശ്രദ്ധിക്കണം. ഒന്ന് മുതല് മൂന്ന് ദിവസങ്ങള്ക്കുള്ളില് തന്നെ രോഗലക്ഷണങ്ങള് മാറാം. എന്നാല് അത് കഴിഞ്ഞുള്ള രണ്ട് ദിവസങ്ങള് വരെ രോഗിയില് നിന്ന് വൈറസ് പടരാന് സാധ്യതയുണ്ട്. അതിനാല് രോഗം മാറി കുറഞ്ഞത് രണ്ടു ദിവസത്തേക്കെങ്കിലും പുറത്തു പോകാതിരിക്കാന് ശ്രദ്ധിക്കേണ്ടതാണ്.
ആഹാരത്തിനു മുമ്പും, ടോയ്ലെറ്റില് പോയതിന് ശേഷവും കൈകള് സോപ്പുപയോഗിച്ച് 20 സെക്കന്റ് നേരമെങ്കിലും നന്നായി കഴുകുക. കുടിവെള്ള സ്രോതസുകള്, കിണര്, വെള്ളം ശേഖരിച്ചു വച്ചിരിക്കുന്ന ടാങ്കുകള് തുടങ്ങിയവ ബ്ലീച്ചിങ് പൗഡര് ഉപയോഗിച്ച് ക്ലോറിനേറ്റ് ചെയ്യുക. വൃക്തി ശുചിത്വത്തിനും ഗാര്ഹിക ആവശ്യങ്ങള്ക്കും ക്ലോറിനേറ്റ് ചെയ്ത വെള്ളം ഉപയോഗിക്കുക. തിളപ്പിച്ചാറ്റിയ വെള്ളം മാത്രം കുടിക്കുക. പഴങ്ങളും പച്ചക്കറികളും പലപ്രാവശ്യം കഴുകിയതിന് ശേഷം മാത്രം ഉപയോഗിക്കുക. തണുത്തതും പഴകിയതും, തുറന്നു വെച്ചതുമായ ഭക്ഷണ പദാര്ത്ഥങ്ങള്, കേടുവന്ന പഴങ്ങള്, പച്ചക്കറികള് തുടങ്ങിയവ ഉപയോഗിക്കാതിരിക്കുക. കടല് മത്സ്യങ്ങളും, ഞണ്ട്, കക്ക തുടങ്ങിയ ഷെല്ഫിഷുകളും നന്നായി പാകം ചെയ്തതിന് ശേഷം മാത്രം കഴിക്കുക.
