സംസ്ഥാനത്ത് പലയിടത്തും മഴ തുടരുന്നു: മലപ്പുറം മുണ്ടോട്ടുപാടത്ത് വീട് തകര്ന്നുവീണ് രണ്ട് കുട്ടികള് മരിച്ചു
◊ ജ്യോതി
മലപ്പുറം: സംസ്ഥാനത്ത് പല ജില്ലകളിലും മഴ തുടരുകയാണ്. ഇതിനിടെ മലപ്പുറം മുണ്ടോട്ടുപാടം എന്ന സ്ഥലത്ത് വീട് തകര്ന്നുവീണ് രണ്ട് കുട്ടികള് മരിച്ചു. ചേന്നാരി മുഹമ്മദ്കുട്ടിയുടെ മക്കളായ ലിയാന ഫാത്തിമ (8), ലുബാന ഫാത്തിമ (7 മാസം) എന്നീ കുട്ടികളാണ് മരിച്ചത്. വീടിന് മുകളിലേക്ക് മണ്ണ് ഇടിഞ്ഞുവീണതിനെ തുടര്ന്ന് വീട് തകര്ന്നുവെന്നാണ് വിവരം. ചൊവ്വാഴ്ച പുലര്ച്ചെ അഞ്ച് മണിയോടെ അപകടമുണ്ടായ ഉടന് രണ്ട് കുട്ടികളെയും കോഴിക്കോട് മെഡിക്കല് കോളേജില് എത്തിച്ചു. എന്നാല് ജീവന് രക്ഷിക്കാനായില്ല.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
ഒക്ടോബര് 15 വരെ സംസ്ഥാനത്ത് ശക്തമായ മഴ പെയ്യുമെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് ഓറഞ്ച് അലെര്ട്ടും തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലെര്ട്ടും പ്രഖ്യാപിച്ചിട്ടുണ്ട്.
