സ്കൂളുകളില് ശനിയാഴ്ചയും ക്ലാസ്; വിദ്യാഭ്യാസ മന്ത്രി
തിരുവനന്തപുരം: സംസ്ഥാനത്ത് സ്കൂളുകള് തുറക്കുന്നതിൻ്റെ കൂടുതല് വിശദാശംങ്ങള് വ്യക്തമാക്കി വിദ്യാഭ്യാസ മന്ത്രി വി. ശിവന് കുട്ടി. ശനിയാഴ്ച ദിവസങ്ങളിലും വിദ്യാര്ഥികള്ക്ക് ക്ലാസ്സ് ഉണ്ടാക്കുമെന്നും കുട്ടികള്ക്ക് ഉച്ചഭക്ഷണം നല്കുമെന്നും അദ്ദേഹം പറഞ്ഞു. സ്കൂള് തുറക്കുന്നതുമായി ബന്ധപ്പെട്ട മാര്ഗരേഖ തയ്യാറാക്കിക്കഴിഞ്ഞതായും അത് മുഖ്യമന്ത്രിക്ക് കൈമാറിയതായും അദ്ദേഹം പറഞ്ഞു.
സ്കൂള് തുറക്കുമ്പോള് വിദ്യാര്ഥികള്ക്ക് ഉച്ചഭക്ഷണം നല്കണമെന്നതാണ് സര്ക്കാരിൻ്റെ നയം. അതിനായി എല്ലാ സ്കൂളുകളിലും കോവിഡ് പ്രോട്ടോക്കോള് പാലിച്ചുകൊണ്ട് ഉച്ചഭക്ഷണ വിതരണത്തിനുള്ള സംവിധാനം ഉണ്ടാക്കും.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
എല്പി സ്കൂളില് ഒരു ബെഞ്ചില് രണ്ട് കുട്ടികള് എന്ന തോതിലായിരിക്കും വിദ്യാര്ഥികളെ ഇരിക്കാന് അനുവദിക്കുക. സ്കൂളുകള് കേന്ദ്രീകരിച്ച് ഹെല്പ് ഡെസ്കുകള് തുറക്കും. സ്കൂള് വാഹനങ്ങളുടെ അറ്റകുറ്റപ്പണികള് പൂര്ത്തീകരിക്കുന്നതിന് പിടിഎയുടെയും നാട്ടുകാരുടെയും സഹകരണം വേണമെന്നും മന്ത്രി പറഞ്ഞു. വിദ്യാര്ഥികള്ക്ക് കെഎസ്ആര്ടിസി നിരക്കിളവ് നല്കാന് തയ്യാറായിട്ടുണ്ട്. സ്വകാര്യ ബസുകളുമായി ചര്ച്ചയ്ക്ക് ശേഷം അക്കാര്യത്തിലും രണ്ടു ദിവസത്തിനുള്ളില് തീരുമാനം ഉണ്ടാകുമെന്നും മന്ത്രി പറഞ്ഞു.
