സെപ്റ്റംബര് ഒമ്പതിനാണ് ഹൈദാബാദിലെ ആറ് വയസ്സുകാരിയെ ദുരൂഹസാഹചര്യത്തില് കാണാതായത്. മണിക്കൂറുകള്ക്ക് ശേഷം കുട്ടിയുടെ മൃതദേഹം ബെഡ്ഷീറ്റില് പൊതിഞ്ഞനിലയില് അയല്ക്കാരനായ രാജുവിൻ്റെ വീട്ടില്നിന്ന് കണ്ടെത്തി. എന്നാല് ഇതിനോടകം രാജു വീട്ടില്നിന്ന് രക്ഷപ്പെട്ടിരുന്നു. കുട്ടിയുടെ മൃതദേഹത്തില് നിരവധി മുറിവുകളുണ്ടെന്നാണ് പോലീസിൻ്റെ റിപ്പോര്ട്ട്. അതിക്രൂരമായ ലൈംഗിക പീഡനത്തിനിരയാക്കിയ ശേഷം രാജു കുട്ടിയെ ശ്വാസംമുട്ടിച്ച് കൊലപ്പെടുത്തിയെന്നാണ് പോലീസ് പറയുന്നത്.
സംഭവം നടന്ന് ദിവസങ്ങള് കഴിഞ്ഞിട്ടും പ്രതിയെ പിടികൂടാന് കഴിയാത്തതിന് വലിയ വിമര്ശനത്തിന് ഇടയാക്കിയിരുന്നു. തുടര്ന്ന് പോലീസ് വ്യാപകമായ തിരച്ചില് ആരംഭിക്കുകയും 10 ലക്ഷം രൂപ പാരിതോഷികം പ്രഖ്യാപിക്കുകയും ചെയ്തു. ഇതിനുപിന്നാലെയാണ് പ്രതിയുടെ മൃതദേഹം റെയില്വേ പാളത്തില് കണ്ടെത്തിയത്.
