തിങ്കളാഴ്ച ഉച്ചയക്ക് രണ്ട് മണിയോടെയാണ് സംഭവം നടന്നത്. അടുക്കളവാതിലിലൂടെ അകത്തുകടന്ന അരുണ് സൂര്യയെ തലങ്ങുംവിലങ്ങും കുത്തുകയായിരുന്നു. മകളെ ആക്രമിക്കുന്നതുകണ്ട് അമ്മ വത്സല തടയാന് ശ്രമിക്കുന്നതിനിടെ അമ്മയെയും അരുണ് കുത്തി. പുറത്ത് ഇരികുകയായിരുന്ന അച്ഛന് ശിവദാസനെയും അരുണ് ക്രൂരമായി മര്ദിച്ചു. ശാരീരിക വെല്ലുവിളികളുള്ള വ്യക്തികളാണ് സൂര്യയുടെ അച്ഛനും അമ്മയും. സൂര്യയുടെ തലമുതല് കാല് വരെ പതിനേഴ് ഇടങ്ങളിലാണ് അരുണ് കുത്തിയത്.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
അയല്ക്കാരുടെ നിലവിളി ഉയര്ന്നതോടെ അരുണ് ഓടി സമീപത്തെ വീട്ടിലെ ടെറസില് ഒളിക്കാന് ശ്രമിച്ചു. ഇവിടെ നിന്നുമാണ് നെടുമങ്ങാട് പോലീസ് ഇയാളെ അറസ്റ്റുചെയ്തത്. വഞ്ചിയൂര്, ആര്യനാട്, പേരൂര്ക്കട സ്റ്റേഷനുകളില് അരുണിനെതിരേ നിരവധി കേസുകള് നിലവിലുണ്ടെന്ന് പോലീസ് പറയുന്നു.
