ഉത്രകേസില് അത്യപൂര്വ പരീക്ഷണം
കൊല്ലം: പാമ്പ് കടിയേറ്റ് മരിച്ച ഉത്ര കൊലക്കേസില് അത്യപൂര്വ്വ ഡമ്മി പരീക്ഷണം നടത്തി അന്വേഷണ സംഘം. പാമ്പ് സ്വയം ഒരാളെ കടിക്കുമ്പോള് ഉണ്ടാകുന്ന മുറിവും പ്രകോപിപ്പിച്ച് കടിപ്പിക്കുമ്പോള് ഉണ്ടാകുന്ന മുറിവും വ്യത്യസ്ഥമായിരിക്കും. ഇത് തെളിയിക്കാനാണ് കൊല്ലത്തെ അരിപ്പ വനംവകുപ്പ് ഇന്സ്റ്റിറ്റ്യൂട്ടില് അത്യപൂര്വ്വമായ പരീക്ഷണം നടത്തിയത്. കൊല്ലം മുന് റൂറല് എസ് പി ഹരിശങ്കറിന്റെ നേതൃത്വത്തിൽ മൂന്ന് പാമ്പുകളെ ഉപയോഗിച്ചായിരുന്നു പരീക്ഷണം.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
150 സെ.മി നീളമുള്ള മൂര്ഖന് പാമ്പാണ് ഉത്രയെ കടിച്ചത്. ഈ നീളത്തിലുള്ള ഒരു പാമ്പ് കടിച്ചാല് 1.7 സെ മീ നീളമുള്ള മുറിവാണ് ശരീരത്തില് സാധാരണ ഉണ്ടാവുക. എന്നാല് ഉത്രയുടെ ശരീരത്തില് 2.5 ഉം 2.8 ഉം നീളമുള്ള രണ്ട് മുറിവുകളാണ് ഉണ്ടായിരുന്നത്. പാമ്പിനെ പ്രകോപിപ്പിച്ച് കടിപ്പിച്ചാല് മാത്രമേ ഇത്രയും വലിയ പാടുകള് വരികയുള്ളു എന്ന ശാസ്ത്രീയ നിഗമനത്തിലാണ് മൂന്ന് പാമ്പുകളെ ഉപയോഗിച്ച് പരീക്ഷണം നടത്തിയത്. മുറിവുകളിലെ വ്യത്യാസം രേഖപ്പെടുത്തി.
