വിമാനത്തിൽ നിന്ന് പോരുന്നതിന് മുൻപ് അർജുൻ വിളിച്ചിരുന്നുവെന്നും ഇട്ടിരിക്കുന്ന ഷർട്ട് മാറ്റി വേറൊരു ഷർട്ട് ഇടണമെന്ന് ആവശ്യപ്പെട്ടതായും ഷെഫീഖ് മൊഴി നൽകി. എയർപോർട്ടിൽ നിന്ന് പുറത്തിറങ്ങുന്നതിനിടെ സ്വർണം ഷെഫീഖിൽ നിന്ന് വാങ്ങാനായിരുന്നു അർജുൻ ആയങ്കിയുടെ പദ്ധതി. എന്നാൽ ഇതിന് മുൻപ് തന്നെ ഷെഫീഖ് പിടിയിലാവുകയായിരുന്നു.
കണ്ണൂർ അഴീക്കോട് മൂന്നുനിരത്ത് സ്വദേശിയാണ് അർജുൻ ആയങ്കി. ഇയാളുടെ വീട്ടിൽ ബുധനാഴ്ച വൈകീട്ട് കസ്റ്റംസ് അസി.കമ്മീഷണർ ഇ.വികാസിന്റെ നേതൃത്വത്തിൽ രണ്ട് മണിക്കൂറോളം പരിശോധന നടത്തിയിരുന്നു. അന്ന് രാവിലെ വരെ അർജുൻ വീട്ടിലുണ്ടായിരുനെങ്കിലും പിന്നീട് ഒളിവിൽ പോവുകയും ചെയ്തു.
