ലോക്ക്ഡൗണ് മെയ് 30 വരെ നീട്ടി; മലപ്പുറത്ത് ട്രിപ്പിള് ലോക്ക്ഡൗണ് തുടരും
തിരുവനന്തപുരം: സംസ്ഥാനത്ത് നിലവിലുള്ള ലോക്ക്ഡൗണ് മെയ് 30 വരെ നീട്ടി. അതേസമയം മലപ്പുറത്ത് ട്രിപ്പിള് ലോക്ക്ഡൗണ് തുടരും. ടെസ്റ്റ് പോസിറ്റിവിറ്റി റേറ്റ് കുറയാത്തതാണ് മലപ്പുറത്ത് ട്രിപ്പിള് ലോക്ഡൗണ് തുടരാന് കാരണം. കൂടുതല് ശക്തമായ നടപടികള് ജില്ലയില് വേണ്ടിവരുമെന്നാണ് മുഖ്യമന്ത്രി പറഞ്ഞത്. തിരുവനന്തപുരം, തൃശ്ശൂര്, എറണാകുളം ജില്ലകളിലെ ട്രിപ്പിള് ലോക്ക്ഡൗണ് നാളെ മുതല് ഒഴിവാക്കും.
ടിപിആര് 25 ശതമാനത്തിന് താഴെ വരികയും ആക്ടീവ് കേസുകള് കുറയുകയും ചെയ്ത സാഹചര്യത്തിലാണ് നാളെ മുതല് തൃശ്ശൂര്, എറണാകുളം, തിരുവനന്തപുരം ജില്ലകളില് ട്രിപ്പില് ലോക്ക് ഡൗണ് ഒഴിവാക്കുന്നത്. മലപ്പുറത്ത് ടെസ്റ്റ് പോസിറ്റിവിറ്റി റേറ്റ് കൂടുതലാണ്. മലപ്പുറത്ത് ശക്തമായ നടപടികള് വേണ്ടിവരുമെന്ന് മുഖ്യമന്ത്രി പറഞ്ഞു. ക്രമസമാധാന ചുമതലയുള്ള എഡിജിപി, ഉത്തരമേഖല ഐജി എന്നിവര് മലപ്പുറത്ത് ക്യാമ്പ് ചെയ്യും
