കൊവിഡ് രണ്ടാം തരംഗം സംസ്ഥാനത്ത് ശക്തം; കേരളത്തില് ഇന്ന് 43,529 പേരില് കൊവിഡ്-19 സ്ഥിരീകരിച്ചു
ഇതുവരെ റിപ്പോര്ട്ട് ചെയ്തതിനെക്കാള് ഉയര്ന്ന പ്രതിദിന കൊവിഡ് കേസുകളാണ് സംസ്ഥാനത്ത് ഇന്ന് റിപ്പോര്ട്ട് ചെയ്തിട്ടുള്ളത്.
തിരുവനന്തപുരം: കൊവിഡ് രണ്ടാം തരംഗം സംസ്ഥാനത്ത് ശക്തമാണെന്ന സൂചനയാണ് റിപ്പോര്ട്ട് ചെയ്യപ്പെടുന്നത്. കേരളത്തില് ഇന്ന് 43,529 പേര്ക്ക് കൊവിഡ്-19 സ്ഥിരീകരിച്ചു. കോഴിക്കോട് എറണാകുളം ജില്ലകളില് കൊവിഡ് വ്യാപനം രൂക്ഷമാണെന്നാണ് റിപ്പോര്ട്ടുകളെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തിര് പറഞ്ഞു.
എറണാകുളം 6410, മലപ്പുറം 5388, കോഴിക്കോട് 4418, തിരുവനന്തപുരം 4284, തൃശൂര് 3994, പാലക്കാട് 3520, കൊല്ലം 3350, കോട്ടയം 2904, ആലപ്പുഴ 2601, കണ്ണൂര് 2346, പത്തനംതിട്ട 1339, ഇടുക്കി 1305, കാസര്ഗോഡ് 969, വയനാട് 701 എന്നിങ്ങനെയാണ് വിവിധ ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ ദിവസങ്ങളിലുണ്ടായ 95 മരണങ്ങള് കോവിഡ് മൂലമാണെന്ന് ഇന്ന് സ്ഥിരീകരിച്ചതോടെ ആകെ മരണം 6053 ആയി. രോഗം ബാധിച്ചവരില് 145 ആരോഗ്യ പ്രവര്ത്തകര് ഉള്പ്പെടുന്നു. കണ്ണൂര് 33, തൃശൂര് 23, എറണാകുളം 15, പാലക്കാട്, കാസര്ഗോഡ് 11 വീതം, തിരുവനന്തപുരം, പത്തനംതിട്ട, കോഴിക്കോട്, വയനാട് 10 വീതം, കൊല്ലം 8, കോട്ടയം 2, ആലപ്പുഴ, ഇടുക്കി 1 വീതം ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
