മലയാളി പത്രപവര്ത്തകന് സിദ്ദീഖ് കാപ്പന്റെ ഹര്ജി അടിയന്തരമായി പരിഗണിക്കണം: പതിനൊന്ന് എം.പിമാരുടെ സംയുക്ത കത്ത്
കണ്ണൂര്: മധുര മെഡിക്കല് കോളേജില് കഴിയുന്ന മലയാളി പത്രപവര്ത്തകന് സിദ്ദീഖ് കാപ്പന്റെ ഹര്ജി അടിയന്തരമായി പരിഗണിക്കണമെന്നും മാനുഷിക പരിഗണന വെച്ച് അദ്ദേഹത്തെ തുടര് ചികിത്സയ്ക്കായി ഡല്ഹി എയിംസിലേയ്ക്ക് മാറ്റണമെന്നും ആവശ്യപ്പെട്ട് സുപ്രീം കോടതി ചീഫ് ജസ്റ്റിസ് എന്.വി രമണയ്ക്ക് പതിനൊന്ന് എം.പിമാര് സംയുക്തമായി കത്ത് നല്കി.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
മധുര മെഡിക്കല് കോജേജില് താടിയെല്ല് പൊട്ടിയ നിലയില് മൃഗത്തെപോലെ ചങ്ങലയിലാണ് അദ്ദേഹം ആശുപത്രി കിടക്കയില് തടവില് കഴിയുന്നത്. അദ്ദേഹത്തിന് കൊറോണയും ബാധിച്ചിരിക്കയാണ്. സിദ്ദീഖ് കാപ്പന് വേണ്ടി കഴിഞ്ഞ ആറു മാസത്തിനിടെ ഏഴു തവണ ഹേബിയസ് കോര്പ്പസ് ഹര്ജി ഫയലില് സ്വീകരിച്ചിരുന്നു. അജ്ഞാതമായ കാരണങ്ങളാല് അപേക്ഷ ഒരിക്കലും തീര്പ്പാക്കിയിട്ടില്ല.
സിദ്ദീഖ് കാപ്പന് ഒരു പത്രപ്രവര്ത്തകനെന്ന നിലയില് തന്റെ ചുമതലകള് നിറവേറ്റുന്നതിനായാണ് ഹാത്രാസിലേയ്ക്ക് പോയത്. തുടര്ന്ന് കഴിഞ്ഞ വര്ഷം ഒക്ടോബര് 5 നാണ് അദ്ദേഹം മധുരയില് വെച്ച് അറസ്റ്റിലാകുന്നത്. നമ്മുടെ ഭരണഘടനയുടെ രക്ഷാധികാരി എന്ന നിലയില് ഇക്കാര്യം പുനശ്ശപരിശോധിക്കണമെന്നും, ഹേബിയസ് കോര്പ്പസ് അപേക്ഷ തീര്പ്പാക്കുന്നതുവരെ സിദ്ദിഖ് കാപ്പന്റെ ജീവന് രക്ഷിക്കാനും മധുരയില് നിന്ന് അദ്ദേഹത്തെ മാറ്റാന് ആവശ്യമായ ഉത്തരവുകള് പുറപ്പെടുവിക്കണമെന്നും എം.പിമാരായ കെ സുധാകരൻ, കെ മുരളീധരന്, ഇ.ടി മുഹമ്മദ് ബഷീര്, വി.കെ ശ്രീകണ്ഠന്, രമ്യ ഹരിദാസ്, ബെന്നി ബഹനാന്, ടി എന് പ്രതാപന്, ഡീന് കുര്യാക്കോസ്, ആന്േറാ ആന്റണി, എന്.കെ പ്രേമചന്ദ്രന്, പി വി അബ്ദുല് വഹാബ് തുടങ്ങിയവര് ചീഫ് ജസ്റ്റീസിനോട് കത്ത് മുഖേന അഭ്യര്ത്ഥിച്ചു.
