മെഡിക്കൽ എൻട്രൻസ് റാങ്ക് ജേതാവ് ആയിഷയ്ക്ക് സോഷ്യൽ ഫോറം ഉപഹാരം നൽകി

റിയാദ് ബ്ലോക്ക് സോഷ്യൽ ഫോറം ഭാരവാഹി ഫസൽ റഹ്മാൻ, അബ്ദുൽ റസാഖ് കാട്ടിലെപീടിക എന്നിവർ ആയിഷക്ക് ഉപഹാരങ്ങൾ കൈമാറി. എസ്ഡിപിഐ ചേമഞ്ചേരി ബ്രാഞ്ച് പ്രസിഡണ്ട് നസീർ, ജലീൽ കാപ്പാട് എന്നിവരും ലളിതമായ ചടങ്ങിൽ സംബന്ധിച്ചു.

വളർന്നു വരുന്ന തലമുറയ്ക്ക്  ഉന്നത വിദ്യാഭ്യാസം നൽകുകവഴി മൗലാനാ ആസാദിനെപ്പോലെയുള്ള ധിഷണാശാലികൾ സ്വപ്നം കണ്ട ഇന്ത്യയെ വീണ്ടെടുക്കാൻ മിടുക്കരായ വിദ്യാർഥികളിലൂടെ സാധിക്കേണ്ടതുണ്ട്. മൂല്യവത്തായ വിദ്യാഭ്യാസം കുട്ടികൾക്ക് ലഭ്യമാക്കുന്നതിന് രക്ഷിതാക്കൾ ശ്രദ്ധ നൽകണമെന്നും വിദ്യാഭ്യാസ പുരോഗതിക്കുതകുന്ന എല്ലാവിധ പ്രോത്സാഹനവും പ്രവാസ ലോകത്തുനിന്നും ഇന്ത്യൻ സോഷ്യൽ ഫോറത്തിന്റെ  ഭാഗത്തുനിന്നും ഉണ്ടാവുമെന്നും ഫോറം സൗദി കോഓർഡിനേറ്റർ ബഷീർ കാരന്തൂർ അഭിനന്ദന സന്ദേശത്തിൽ പറഞ്ഞു.

സൗദിയിൽ നിന്നും ഹനീഫ കിഴിശ്ശേരി, കോയിസ്സൻ ബീരാൻകുട്ടി (ജിദ്ദ), അൻസാർ ചങ്ങനാശ്ശേരി (റിയാദ്), മുബാറക് പൊയിൽതൊടി (ദമ്മാം), ഹനീഫ ചാലിപ്പുറം(അബഹ) എന്നിവർ അനുമോദനപരിപാടി ഏകോപിപ്പിച്ചു.