കേരളത്തില് അതിതീവ്ര മഴയ്ക്ക് സാധ്യത
♠ ലക്ഷമി ഉണ്ണികൃഷ്ണന്
തിരുവനന്തപുരം: കേരളത്തില് അടുത്ത ദിവസങ്ങളില് അതിതീവ്ര മഴക്കു സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്നും നാളെയുമായി വിവിധ ജില്ലകളില് റെഡ് അലേര്ട്ടും പ്രഖ്യാപിച്ചിട്ടുണ്ട്.
ബംഗാള് ഉള്ക്കടലില് ന്യൂനമര്ദം രൂപപ്പെടുന്നതിനാലാണ് കേരളത്തില് കാലവര്ഷം ശക്തി പ്രാപിക്കുമെന്ന് അറിയിച്ചിട്ടുള്ളത്. മത്സ്യത്തൊഴിലാളികള് കടലില് പോകുന്നതിനെതിരെ സംസ്ഥാന ദുരന്ത നിവാരണ അതോറിറ്റിയും മുന്നറിയിപ്പ് നല്കിയിട്ടുണ്ട്.
ഇടുക്കി, കണ്ണൂര്, കാസര്കോട് ജില്ലകളില് ഇന്നും സെപ്റ്റംബര് 20 ന് ഇടുക്കി, മലപ്പുറം, കണ്ണൂര്, കാസര്കോട് ജില്ലകളിലുമാണ് റെഡ് അലേര്ട്ട് ഉള്ളത്. 24 മണിക്കൂറില് 204.5 ടട ല് കൂടുതല് മഴ ലഭിക്കാനുള്ള സാധ്യതയാണ് ഈ ജില്ലകളില് പ്രവചിച്ചിരിക്കുന്നത്. ഇന്ന് എട്ട് ജില്ലകളിലാണ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്. ആലപ്പുഴ, കോട്ടയം, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണിത്.
അതേസമയം നാളെ കോട്ടയം, എറണാകുളം, തൃശൂര്, പാലക്കാട്, കോഴിക്കോട്, വയനാട് ജില്ലകളിലും സെപ്റ്റംബര് 21 തിങ്കളാഴ്ച കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്, ജില്ലകളിലും ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക(നേരത്തെ അംഗമാകാത്തവര് മാത്രം )
തിരുവനന്തപുരം, കൊല്ലം, പത്തനംതിട്ട ജില്ലകളില് ഇന്ന് യെല്ലോ അലേര്ട്ടാണ് പ്രഖ്യാപിച്ചിട്ടുണ്ട്. സെപ്റ്റംബര് 20 ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, സെപ്റ്റംബര് 21ന് കൊല്ലം, പത്തനംതിട്ട, ആലപ്പുഴ, സെപ്റ്റംബര് 22ന് ആലപ്പുഴ, കോട്ടയം, ഇടുക്കി, എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും കേന്ദ്ര കാലാവസ്ഥാ വകുപ്പ് യെല്ലോ അലേര്ട്ട് പ്രഖ്യാപിച്ചു.
