കരിപ്പൂര് വിമാനം തെന്നിമാറി; യാത്രക്കാര്ക്ക് പരുക്കെന്ന് റിപ്പോര്ട്ട്
കോഴിക്കോട്: കരിപ്പൂര് വിമാനത്താവളത്തില് റണ്വേയില്നിന്ന് വിമാനം തെന്നിമാറി താഴേക്കുപതിച്ചു യാത്രക്കാര്ക്ക് പരുക്കേറ്റതായി പ്രാധമിക വിവരം. 1344 ദുബായ്-കോഴിക്കോട് വിമാനമാണ് അപകടത്തില്പ്പെട്ടത്. വിമാനത്തില്നിന്ന് പുക ഉയരുന്നുണ്ട്. ലാന്ഡിങ്ങിനിടെയാണ് അപകടം.
177 യാത്രക്കാരും 6 ജീവനക്കാരും വിമാനത്തില് ഉണ്ടായിരുന്നു. വിമാനത്തിലെ ഇന്ധനം ചോരുന്നതായി റിപ്പോര്ട്ടുണ്ട്.
രാത്രി 8 മണിയോടെയാണ് സംഭവം. 100ല് അധികം യാത്രക്കാര്ക്ക് പരിക്കേറ്റിട്ടുണ്ടെന്നാണ് പ്രാഥമിക വിവരം. സഹ പൈലറ്റിന് ഗുരുതരമായി പരിക്കേറ്റിട്ടുണ്ടെന്നാണ് റിപ്പോര്ട്ട്. വിമാനത്തിന്റെ മുന്ഭാഗത്തുള്ള യാത്രക്കാര്ക്കാണ് പരിക്കേറ്റത്. പരിക്കേറ്റവരെ കൊണ്ടോട്ടി റിലീഫ് ആശുപത്രിയിലും ചിലരെ കോഴിക്കോട് മെഡിക്കല് കോളേജിലേയ്ക്കും കൊണ്ടുപോയിട്ടുണ്ട്.
ദുബായില്നിന്നുള്ള എയര് ഇന്ത്യ എക്സ്പ്രസാണ് ലാന്ഡിങ്ങിനിടെ തെന്നിമാറിയത്. ലാന്ഡിങ്ങിനിടെ തെന്നിമാറി കൊണ്ടോട്ടി-കുന്നുംപുറം റോഡില് മേലങ്ങാടി വഴിയുള്ള ക്രോസ് ബെല്റ്റ് റോഡിന്റെ ഭാഗത്തേക്ക് വീഴുകയുമായിരുന്നു.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
