കേരളത്തില് അതിതീവ്ര മഴ: ഇന്ന് രണ്ട് ജില്ലകളില് റെഡ് അലേര്ട്ട്
തിരുവനന്തപുരം: സംസ്ഥാനത്ത് കാലവര്ഷം ശക്തമായി തുടരുകയാണ്. വടക്കന് കേരളത്തിന് ഇന്ന് അതിതീവ്ര മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ നിരീക്ഷമ കേന്ദ്രത്തിന്റെ മുന്നറിയിപ്പ്. ബംഗാള് ഉള്ക്കടലില് ന്യൂനമര്ദം രൂപപ്പെട്ടതിനാല് കേരളത്തില് വിവിധയിടങ്ങളില് ഞായറാഴ്ചവരെ ശക്തമായ മഴ തുടരുമെന്നാണ് മുന്നറിയിപ്പ് ഇന്ന് രണ്ട് ജില്ലകളില് റെഡ് അലേര്ട്ടും, അഞ്ച് ജില്ലകളില് യെല്ലോ അലേര്ട്ടും മറ്റ് ജില്ലകളില് ഓറഞ്ച് അലേര്ട്ടും പ്രഖ്യാപിച്ചിട്ടുണ്ട്.
വയനാട്, കോഴിക്കോട് ജില്ലകളിലാണ് റെഡ് അലേര്ട്ട് പ്രഖ്യാപിച്ചിട്ടുള്ളത്. ഓഗസ്റ്റ് എട്ടിന് ഇടുക്കി, പാലക്കാട് ജില്ലകള്, ഓഗസ്റ്റ് 9ന് മലപ്പുറം, വയനാട്, കണ്ണൂര് ജില്ലകള് എന്നിവിടങ്ങളില് അതിതീവ്ര മഴ പ്രവചിക്കുന്നുണ്ട്. അപകട സാധ്യത വര്ധിക്കാന് സാധ്യതയുണ്ട്. വടക്കന് കേരളത്തില് കനത്ത മഴ തുടരുകയാണ്. പല നദികളും കരകവിഞ്ഞൊഴുകി. റെഡ് അലര്ട്ടുളള വയനാട്ടില് മഴ ശക്തമാണ്. കഴിഞ്ഞ വര്ഷം ഉരുള്പൊട്ടലുണ്ടായ മേപ്പാടി ചൂരല്മലയിലാണ് കഴിഞ്ഞ ദിവസം കൂടുതല് മഴ രേഖപ്പെടുത്തിയത്. മേപ്പാടി പുത്തുമല മേഖലയില് 390 മില്ലിമീറ്റര് മഴയാണ് കഴിഞ്ഞ ദിവസം രേഖപ്പെടുത്തിയത്.
എറണാകുളം, ഇടുക്കി, തൃശൂര്, പാലക്കാട്, മലപ്പുറം, കണ്ണൂര്, കാസര്കോട്, ഓഗസ്റ്റ് 7 വെള്ളി എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്, ഓഗശ്ശ് 8ശനിയാഴ്ച പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട്, ഓഗസ്റ്റ് 9 ഞായറാഴ്ച എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് കേന്ദ്ര കാലാവസ്ഥ വകുപ്പ് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
വാര്ത്തകള് തല്സമയം വാട്സ്ആപ്പില് ലഭിക്കുവാന് ഇവിടെ ക്ലിക് ചെയ്യുക
ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലും ഓഗസ്റ്റ് 7 വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഓഗസറ്റ് 8 ശനിയാഴ്ച തിരുവനന്തപുരം, കൊല്ലം, ആലപ്പുഴ, ഓഗസ്റ്റ് 9 ഞായറാഴ്ച പത്തനംതിട്ട, ആലപ്പുഴ, കോട്ടയം ജില്ലകളിലാണ് യെല്ലോ അലേര്ട്ട്.
