ഹര്ത്താൽ: സർവ്വീസ് നടത്തുമെന്ന് ബസ് ഉടമകള്
കോഴിക്കോട്: പൗരത്വ നിയമ ഭേദഗതിക്കെതിരെ നാളെ സംസ്ഥാനത്ത് പ്രഖ്യാപിച്ചിട്ടുള്ള ഹര്ത്താലില് സർവ്വീസ് നടത്തുമെന്ന് ബസ് ഉടമകള്.
ബസ് സര്വീസുകള് നിര്ത്തിവെക്കണമെന്ന് ആരും രേഖാമൂലമോ അല്ലാതെയോ ആവശ്യപ്പെട്ടിട്ടില്ലെന്ന് ബസ് ഓപ്പറേറ്റേഴ്സ് അസോസിയേഷന് സംസ്ഥാന സെക്രട്ടറി കെ രാധാകൃഷ്ണന് പറഞ്ഞു.
ഹര്ത്താലിന്റെ പേരില് സര്വീസുകള് മുടക്കേണ്ടെന്നാണ് ബസ് ഉടമകളുടെയും ജീവനക്കാരുടെയും സംഘടനകളുടെയും തീരുമാനം. പക്ഷേ, അക്രമസംഭവങ്ങള് ഉണ്ടാവുകയാണെങ്കില് ബസുകള്ക്ക് പൊലീസ് സംരക്ഷണം തരണമെന്ന് ഓപ്പറേറ്റേഴ്സ് അസോസിയേഷന് ആവശ്യപ്പെട്ടു.
അതേസമയം നാളത്തെ ഹര്ത്താലില് മാറ്റമില്ലെന്ന് സംയുക്തസമരസമിതി നേതാക്കള് പറഞ്ഞു.
