ഡിസംബര് 17ന് ഹര്ത്താല്
തിരുവനന്തപുരം: പൗരത്വബില്, എന്.ആര്.സി എന്നിവയില് പ്രതിഷേധിച്ച് സംയുക്ത സമിതി 17ന് കേരളത്തില് ഹര്ത്താല് നടത്തും.
വെല്ഫെയര് പാര്ട്ടി, എസ്.ഡി.പി.ഐ, ,ഡി.എച്ച്.ആര്.എം, ജമായത്ത് കൌണ്സില് തുടങ്ങി 35 ഓളം സംഘടനകളാണ് ഹര്ത്താലിന് ആഹ്വാനം ചെയ്തിരിക്കുന്നത്. രാജ്യത്തെ വിഭജിക്കുന്ന സമീപനത്തിലേക്ക് കേന്ദ്രം പോകുമ്പോള് അതിനൊരു ജനകീയ പ്രതിരോധം ആവശ്യമാണ് എന്ന വിലയിരുത്തലിന്റെ അടിസ്ഥാനത്തിലാണ് ഹര്ത്താലെന്ന് സംഘടനകള് അറിയിച്ചു.
പൗരത്വ ഭേദഗതി ബില് പിന്വലിക്കണമെന്നും എന്.ആര്.സി ഉപേക്ഷിക്കണമെന്നും ആവശ്യപ്പെട്ട് ഡിസംബര് 17 ചൊവ്വാഴ്ച രാവിലെ 6 മുതല് വൈകിട്ട് 6 വരെ ഹര്ത്താല് ആചരിക്കാന് തിരുവനന്തപുരത്ത് ചേര്ന്ന 30 വിവിധ രാഷ്ട്രീയ സാമൂഹിക പ്രസ്ഥാനങ്ങളുടെയും മനുഷ്യാവകാശ പ്രവര്ത്തകരുടെയും സംയുക്ത യോഗം തീരുമാനിച്ചു. ഫാഷിസ്റ്റ് സമഗ്രാധിപത്യത്തിനെതിരെയുളള ജനാധിപത്യ പ്രതിഷേധത്തില് പങ്കാളികളായി ഹര്ത്താല് വന് വിജയമാക്കണമെന്ന് നേതാക്കള് അഭ്യര്ഥിച്ചു.
