എട്ട് വയസ്സുകാരിയെ ബലാത്സംഗം ചെയ്ത് കൊലപ്പെടുത്തി

കൊന്നൊടുക്കലുകളുടെ കാലം

പെണ്കുട്ടി വൈകുന്നേരമായിട്ടും തിരിച്ചെത്താതായതോടെയാണ് മാതാപിതാക്കളും അയല്‍വാസികളും തെരച്ചില്‍ തുടങ്ങിയത്. പ്രതിയെ ഗ്രാമവാസികള്‍ ചോദ്യം ചെയ്തപ്പോള്‍ എവിടെയാണെന്ന് തനിക്കറിയില്ലെന്നായിരുന്നു ഇയാള്‍ പറഞ്ഞത്. ഇയാളുടെ പെരുമാറ്റത്തില്‍ സംശയം തോന്നിയ മാതാപിതാക്കള്‍ സുലെപേട്ട് പോലീസ് സ്‌റ്റേഷനില്‍ പരാതി നല്‍കുകയായിരുന്നു.

കല്‍ബുര്‍ഗ്: കര്‍ണാടകയിലെ കല്‍ബുര്‍ഗിയില്‍ എട്ട് വയസ്സുകാരിയെ ബലാത്സംഗം ചെയ്ത് കൊലപ്പെടുത്തിയ നിലയില്‍ കണ്ടെത്തി. മിഠായി നല്‍കി കുട്ടിയെ വീട്ടില്‍ നിന്ന് കൂട്ടിക്കൊണ്ടുപോയതിന് ശേഷമാണ് പീഡിപ്പിച്ച് കൊലപ്പെടുത്തിയിരിക്കുന്നത്. സംഭവത്തില്‍ യല്ലപ്പ എന്ന അയല്‍ക്കാരനെ അറസ്റ്റ് ചെയ്തു. ഉച്ചയ്ക്ക് പ്രതിയോടൊപ്പം പെണ്‍കുട്ടിയെ കണ്ടവരുണ്ട്.

പെണ്കുട്ടി വൈകുന്നേരമായിട്ടും തിരിച്ചെത്താതായതോടെയാണ് മാതാപിതാക്കളും അയല്‍വാസികളും തെരച്ചില്‍ തുടങ്ങിയത്. പ്രതിയെ ഗ്രാമവാസികള്‍ ചോദ്യം ചെയ്തപ്പോള്‍ എവിടെയാണെന്ന് തനിക്കറിയില്ലെന്നായിരുന്നു ഇയാള്‍ പറഞ്ഞത്. ഇയാളുടെ പെരുമാറ്റത്തില്‍ സംശയം തോന്നിയ മാതാപിതാക്കള്‍ സുലെപേട്ട് പോലീസ് സ്‌റ്റേഷനില്‍ പരാതി നല്‍കുകയായിരുന്നു.

പിന്നീട് നാട്ടുകാരുടെ നേതൃത്വത്തില്‍ നടത്തിയ തെരച്ചിലില്‍ ജലസേചന പദ്ധതിയുടെ കനാലിനരികില്‍ പെണ്‍കുട്ടിയുടെ മൃദദേഹം കണ്ടെത്തുകയായിരുന്നു.
സംഭവത്തില്‍ കേസ് രജിസ്റ്റര്‍ ചെയ്തിട്ടുണ്ടെന്നും തുടര്‍ അന്വേഷണം നടത്തുമെന്നും പോലീസ് അറിയിച്ചു.