പാലക്കാട് ജില്ലയില് നാളെ ഹര്ത്താല്
പാലക്കാട്: വാളയാര് പെണ്കുട്ടികളുടെ ദുരൂഹ മരണം സി ബി ഐ അന്വേഷിക്കണമെന്നാവശ്യപ്പെട്ട് കെ പി സി സി അധ്യക്ഷന് മുല്ലപ്പളളി രാമചന്ദ്രന് ഇന്ന് ഏകദിന ഉപവാസ സമരം നടത്തും. രാവിലെ ഒമ്പത് മണി മുതല് ആറ് മണി വരെയാണ് ഉപവാസം. എ ഐ സി സി ജനറല് സെക്രട്ടറി കെ സി വേണുഗോപാല് സമരം ഉദ്ഘാടനം ചെയ്യും.
നാളെ പാലക്കാട് ജില്ലയില് യു ഡി എഫ് ഹര്ത്താല് പ്രഖ്യാപിച്ചിട്ടുണ്ട്. കഴിഞ്ഞ ദിവസം മുല്ലപ്പള്ളി, പെണ്കുട്ടികളുടെ മാതാപിതാക്കളെ കണ്ടിരുന്നു. പെണ്കുട്ടികളുടെ വീട്ടില് കെ സി വേണുഗോപാല് സന്ദര്ശനം നടത്തിയേക്കും. അതേസമയം കേസ് സി ബി ഐ അന്വേഷിക്കണം എന്നാവശ്യപ്പെട്ട് നാട്ടുകാരുടെ സമരവും ശക്തമാവുകയാണ്. നാട്ടുകാരുടെ നേതൃത്വത്തില് രൂപീകരിച്ച ആക്ഷന് കമ്മിറ്റി ഇന്നലെ മുതല് ആരംഭിച്ച അനിശ്ചിതകാല നിരാഹാര സമരം തുടരുകയാണ്.
