എക്സിറ്റ് പോൾ: ആത്മവിശ്വാസത്തോടെ ബിജെപി; കരുതലോടെ പ്രതിപക്ഷം

കോൺഗ്രസ് നേതൃത്വത്തിലുള്ള യുപിഎയ്ക്ക് വലിയ മുന്നേറ്റം ഫലങ്ങൾ പ്രവചിക്കുന്നില്ല. തെരഞ്ഞെടുപ്പിന് മുമ്പ് സഖ്യത്തിൽ ഇല്ലാതിരുന്ന കക്ഷികൾ ഇപ്പോൾ കോൺഗ്രസുമായി ചർച്ചകൾ തുടങ്ങിയിരിക്കുകയാണ്

ന്യൂഡൽഹി: രാജ്യത്ത് അവസാനഘട്ട പോളിങ് കഴിഞ്ഞതിന് ശേഷം പുറത്ത് വന്ന എക്സിറ്റ് പോളുകളെല്ലാം എൻഡിഎ അധികാരം നിലനിർത്തുമെന്നാണ് പ്രവചിച്ചിരിക്കുന്നത്. സർവേഫലങ്ങൾ പുറത്ത് വന്നതോടെ ബിജെപി വലിയ ആത്മവിശ്വാസത്തിലാണ്. മന്ത്രിസഭാ രൂപീകരണവുമായി ബന്ധപ്പെട്ട് പ്രാഥമിക ചർച്ചകൾ അമിത് ഷായുടെ നേതൃത്വത്തിൽ തുടങ്ങിക്കഴിഞ്ഞു.

അതേസമയം കരുതലോടെ നീങ്ങാനാണ് പ്രതിപക്ഷം ശ്രമിക്കുന്നത്. കോൺഗ്രസ് നേതൃത്വത്തിലുള്ള യുപിഎയ്ക്ക് വലിയ മുന്നേറ്റം ഫലങ്ങൾ പ്രവചിക്കുന്നില്ല. തെരഞ്ഞെടുപ്പിന് മുമ്പ് സഖ്യത്തിൽ ഇല്ലാതിരുന്ന കക്ഷികൾ ഇപ്പോൾ കോൺഗ്രസുമായി ചർച്ചകൾ തുടങ്ങിയിരിക്കുകയാണ്.

തൂക്കുമന്ത്രിസഭ വന്നാൽ എങ്ങനെ മുന്നോട്ട് പോവണമെന്നതാണ് പ്രധാനചർച്ച. ടിഡിപി നേതാവ് ചന്ദ്രബാബു നായിഡുവാണ് ചർച്ചകൾക്ക് മുൻകൈ എടുത്തിരിക്കുന്നത്. സഖ്യത്തിൽ മത്സരിക്കാത്തതിനാൽ ഫലം വന്നതിന് ശേഷം സാങ്കേതിക പ്രശ്നങ്ങൾക്ക് സാധ്യതയുണ്ട്.

മെയ് 23ന് രാഷ്ട്രപതിക്ക് പ്രത്യേക മെമ്മോറാണ്ടം നൽകാനും പ്രതിപക്ഷ കക്ഷികൾ ആലോചിക്കുന്നുണ്ട്.