വൻതാരനിര ഒന്നിക്കുന്ന ‘കലങ്കി’ലെ പുതിയ ഗാനം
അന്തരിച്ച നടി ശ്രീദേവി ചെയ്യാനിരുന്ന റോളാണ് മാധുരി ദീക്ഷിത് ചെയ്യുന്നത്. ‘2 സ്റ്റേറ്റ്സ്’ എന്ന ചിത്രത്തിന്റെ സംവിധായകനായിരുന്ന അഭിഷേക് വർമ്മനാണ് കലങ്കിന്റെ സംവിധായകൻ. ചിത്രം നിർമ്മിക്കുന്നത് കരൺ ജോഹറാണ്
ബോളിവുഡിലെ വൻതാരനിര ഒന്നിക്കുന്ന ‘കലങ്കി’ന്റെ പുതിയ ഗാനം പുറത്തിറങ്ങി. മാധുരി ദീക്ഷിത്, സഞ്ജയ് ദത്ത്, വരുൺ ധവാൻ, ആലിയ ഭട്ട്, ആദിത്യ റോയ് കപൂർ, സോനാക്ഷി സിൻഹ തുടങ്ങി നിരവധി ബോളിവുഡ് മുൻനിര താരങ്ങളാണ് ചിത്രത്തിൽ അഭിനയിക്കുന്നത്. 1945-കളുടെ പശ്ചാത്തലത്തിൽ നടക്കുന്ന കഥയാണ് ചിത്രത്തിന്റെ ഇതിവൃത്തം. പ്രണയവും പ്രണയനഷ്ടവുമൊക്കെ സിനിമയുടെ ഭാഗമാകുന്നുണ്ട്.
അന്തരിച്ച നടി ശ്രീദേവി ചെയ്യാനിരുന്ന റോളാണ് മാധുരി ദീക്ഷിത് ചെയ്യുന്നത്. ‘2 സ്റ്റേറ്റ്സ്’ എന്ന ചിത്രത്തിന്റെ സംവിധായകനായിരുന്ന അഭിഷേക് വർമ്മനാണ് കലങ്കിന്റെ സംവിധായകൻ. ചിത്രം നിർമ്മിക്കുന്നത് കരൺ ജോഹറാണ്. ബോളിവുഡിലെ പ്രശസ്ത സംഗീതജ്ഞൻ പ്രീതം ആണ് ചിത്രത്തിന്റെ സംഗീതം ഒരുക്കുന്നത്.
ചിത്രത്തിൽ മാധുരിയും ആലിയയുമൊന്നിക്കുന്ന കഥക് നൃത്തരംഗമുള്ള ഗാനം യൂട്യൂബിൽ തരംഗമാവുകയുമാണ്. ഘര്മോര് പരദേസിയ എന്ന ഗാനമാണ് യൂട്യൂബിലെത്തിയിരിക്കുന്നത്.
