കര്ണാടകയില് കെട്ടിടം തകര്ന്ന് മരിച്ചവരുടെ എണ്ണം നാലായി
ധര്വാഡ്: കര്ണാടകത്തിലെ ധര്വാഡില് പണി നടന്നുകൊണ്ടിരുന്ന കെട്ടിടം തകര്ന്നുവീണ് മരിച്ചവരുടെ എണ്ണം നാലായി. 62 പേരെ രക്ഷപെടുത്തി. നിരവധി പേര് കെട്ടിടത്തിനുള്ളില് കുടുങ്ങിക്കിടക്കുന്നതായി റിപ്പോര്ട്ടുകള് ഉണ്ടായിരുന്നു.
ഇന്നലെ ഉച്ചയോടെയാണ് അപകടം ഉണ്ടായത്. ബെംഗലൂരുവില് നിന്ന് 400 കിലോമീറ്റര് ദൂരെയാണ് ദര്വാഡ്. ദുരന്തനിവാരണ സേനയുടെ 25 അംഗ സംഘം ദര്വാഡില് എത്തിയിരുന്നു. മൂന്ന് മണ്ണുമാന്തി യന്ത്രങ്ങളും രക്ഷാപ്രവര്ത്തനത്തിന് ഉപയോഗിച്ചിരുന്നു. ഇന്നലെ തന്നെ 15 പേരെ ഇതുവരെ രക്ഷപെടുത്തി എന്നാണ് വിവിധ മാധ്യമങ്ങള് റിപ്പോര്ട്ട് ചെയ്യുന്നത്.
അപകടത്തെ തുടര്ന്ന് നൂറു കണക്കിന് ആളുകള് കെട്ടിടത്തിന് അടുത്തെത്തി. ഇവരും രക്ഷാപ്രവര്ത്തനത്തില് പങ്കെടുക്കുന്നുണ്ട്. വര്ഷങ്ങളായി പണി നടക്കുന്ന കെട്ടിടമാണിത്. ഇപ്പോള് മൂന്നാമത്തെ നിലയില് ആണ് പണി നടക്കുന്നത്. താഴത്തെ രണ്ട് നിലകളില് അമ്പതോളം കടകള് പ്രവര്ത്തിക്കുന്നുണ്ടെന്നും റിപ്പോര്ട്ടുകളുണ്ട്.
എങ്ങനെയാണ് അപകടം ഉണ്ടായതെന്ന് ഇപ്പോഴും തിരിച്ചറിയാന് സര്ക്കാര് സംവിധാനങ്ങള്ക്ക് കഴിഞ്ഞിട്ടില്ല.
