അഭിനന്ദനെ പ്രതിരോധമന്ത്രി ആശുപത്രിയില് സന്ദര്ശിച്ചു
അഭിനന്ദനെ സന്ദര്ശിച്ച് നിര്മല സീതാരാമന്
ആശുപത്രിയില് എത്തിയാണ് കൂടിക്കാഴ്ച്ച
വ്യോമസേന മേധാവിയും അഭിനന്ദനെ കണ്ടു
ന്യൂഡല്ഹി: പാകിസ്ഥാന് വിട്ടയച്ച ഇന്ത്യന് പൈലറ്റ് അഭിനന്ദന് വര്ധമാന് പ്രതിരോധവകുപ്പ് മന്ത്രി നിര്മ്മല സീതാരാമനുമായി കൂടിക്കാഴ്ച്ച നടത്തി. ആശുപത്രിയില് കഴിയുന്ന അഭിനന്ദനെ നിര്മ്മല സീതാരാമന് സന്ദര്ശിക്കുകയായിരുന്നു. നേരത്തെ വ്യോമസേന മേധാവിയുമായി അഭിനന്ദന് കൂടിക്കാഴ്ച്ച നടത്തിയിരുന്നു.
ഇന്നലെയാണ് പാകിസ്ഥാന് വ്യോമസേന വിംഗ് കമാണ്ടര് ആയിരുന്ന അഭിനന്ദനെ വിട്ടയച്ചത്. പാകിസ്ഥാന് പോര്വിമാനങ്ങളുടെ അതിര്ത്തി കടന്നുള്ള ആക്രമണം ചെറുക്കുന്നതിനിടെയാണ് ഇന്ത്യൻ വ്യോമസേന മിഗ് 21 വിമാനം പാക് അതിര്ത്തിയിൽ തകര്ന്നു വീണതും അഭിനന്ദന് പാകിസ്ഥാന്റെ പിടിയിലായതും.
ഫെബ്രുവരി 27ന് പാകിസ്ഥാന് വിമാനങ്ങള് ഇന്ത്യന് വ്യോമമേഖല മറികടക്കാന് ശ്രമിച്ചിരുന്നു. ഇത് തടയാനുള്ള ശ്രമത്തിനിടയ്ക്കാണ് അഭിനന്ദന് പിടിയിലായത്. സമാധാന സന്ദേശമായാണ് വിംഗ് കമാണ്ടര് അഭിനന്ദനെ വിട്ടയക്കുന്നതെന്നാണ് പാകിസ്ഥാന് പ്രധാനമന്ത്രി ഇമ്രാൻ ഖാൻ പാക് പാര്ലമെന്റ് സംയുക്ത പ്രസ്താനയില് പറഞ്ഞത്.
